Coñecemos a repercusión da nosa lingua a través da Revista Nós

Con motivo do Día das Letras Galegas, os alumnos de 4.º de ESO A presentaron un mural sobre a Revista Nós e a súa relevancia no ámbito lingüístico galego analizando algunhas das obras de ámbitos diversos que publicou. 

Día das Letras Galegas 2015

Coñecemos a figura de Xosé Filgueira Valverde

 

Os alumnos de 4.º de ESO traballaron con información sobre o autor homenaxeado este ano no Día das Letras Galegas  e realizaron un quizz por grupos. 

O pasado mércores 22 tivemos o pracer de acoller a un dos escritores galegos máis salientables na actualidade. Trátase de Fernando Méndez, autor dos libros Deus xogando aos dados e Cuatro esquinitas tiene mi cama, ambos os dous de lectura obrigatoria en 4.º de ESO.

Así, alumnos de diferentes cursos puideron enriquecerse da experiencia e dos sabios consellos facilitados polo experto escritor nun frutuoso coloquio de máis dunha hora de duración. Ademais os alumnos interactuaron co autor para facerlle preguntas sobre os seus libros que xa leron ou están lendo. E non só iso, senón que o autor dedicou tamén uns minutos á sinatura dos exemplares dos seus libros!

Polo tanto, en nome de todos os alumnos, profesores e da dirección do centro: 

MOITAS GRAZAS!!!!! 

EN GALEGO...!! 

Impulsan unha campaña para que Apple inclúa o galego nas súas opcións de idioma

A iniciativa parte desde a Universidade de Vigo

EFE

08 de xaneiro de 2015  17:46

10 votos

O profesor da Escola de Telecomunicación da Universidade de Vigo (UVI) e coordinador de TelGalicia, Manuel Caeiro, e o alumno de Enxeñería Industrial Brais Fortes promoven unha iniciativa para conseguir que a compañía Apple inclúa o galego nas súas opcións de idioma.

Baixo o lema «Queremos Apple en Galego!», a campaña xa conseguiu que Apple incluíse o galego como idioma adicional na última actualización dos seus programas OSX Yosemite e IOS 8, o que posibilita facer aplicacións en galego nesta plataforma, segundo detallan os seus impulsores no diario dixital da UVI.

Outra campaña, «Mallando non Android», doutro exalumno da Universidade de Vigo, Iago Varela, xa conseguiu fai uns meses que se incorporase a lingua galega en Android 5.0.

Manuel Caeiro resalta que o galego foi en 2009 a vixésima lingua de uso en Twitter, «moi por encima do seu peso poboacional».

Tanto Caeiro como Fortes animan a todos os usuarios de IPads e IPhones a elixir o galego para os seus traballos e establecer así «un modo de dicirlle a Apple que o galego se utiliza e que deben contar connosco». 

La voz de Galicia 

bo NADAL A TODOS 

e feliz ano novo! 

Velaquí os resultados das actividades propostas pola Deputación de Ourense. 

1.ª ACTIVIDADE 

Descubrimos as dúas teorías existentes sobre a etimoloxía do topónimo "Ourense" e outros topónimos da provincia. 

2.ª ACTIVIDADE 

Reflexionamos sobre como mellorar a xestión dos residuos urbanos. As redaccións seleccionadas foron as de Stella, David e Víctor, de 4.º A. Parabéns!! 

Actividade 4.º A

ACTIVIDADE: REDACCIÓN SOBRE OS RESIDUOS URBANOS

Como xa comentamos na aula, con motivo da proposta pedagóxica levada a cabo pola Deputación de Ourense, realizaremos unha redacción sobre a importancia ambiental dos servizos de recollida dos residuos urbanos. Nesta actividade achegaremos as nosa ideas para un mellor funcionamento da redución, reutilización e reciclaxe dos materiais contidos nos residuos urbanos. 

Esta iniciativa permitiranos: 

·        Coñecer máis a fondo a situación actual sobre os servizos de recollida dos residuos urbanos na nosa rexión

·        Valorar a importancia ambiental destes servizos e da reutilización e reciclaxe dos residuos  

·        Desenvolver a nosa imaxinación e creatividade para ofrecer propostas innovadoras

·        Realizar unha actividade previa de documentación sobre o tema proposto utilizando as novas tecnoloxías

·         Mellorar o nivel de redacción e expresión na lingua galega

Aquí tedes algúns enlaces que vos poden resultar útiles para o exercicio de documentación:

http://www.ecourense.es/quien.aspx

http://www.uned.es/biblioteca/rsu/pagina3.htm

http://www.sogama.es/es/noticia/sogama-asume-la-recogida-y-transporte-de-los-residuos-solidos-urbanos-trasvasados-en-las-onc